Print Edition'దాదా' బయోపిక్ ఫస్ట్ లుక్ విడుదల

భారత మాజీ క్రికెట్ కెప్టెన్ సౌరవ్ గంగూలీ జీవిత కథ ఆధారంగా తెరకెక్కుతున్న 'దాదా – ది సౌరవ్ గంగూలీ స్టోరీ' చిత్రం ఫస్ట్ లుక్‌ను ఆయన పుట్టినరోజు సందర్భంగా సోమవారం చిత్రబృందం విడుదల చేసింది. 2002 నాట్‌వెస్ట్ ట్రోఫీ ఫైనల్లో ఇంగ్లాండ్‌పై భారత్ విజయం సాధించిన అనంతరం, లార్డ్స్ బాల్కనీలో గంగూలీ జెర్సీని గాల్లో ఊపుతూ సంబరాలు చేసుకున్న ఘట్టాన్ని గుర్తు చేసేలా పోస్టర్‌ను రూపొందించారు. ఫస్ట్ లుక్‌పై గంగూలీ స్పందిస్తూ, పుట్టినరోజు సందర్భంగా అందుకున్న అత్యుత్తమ బహుమతి ఇదేనని తెలిపారు. ఈ చిత్రంలో గంగూలీ పాత్రను బాలీవుడ్ నటుడు రాజ్‌కుమార్ రావు పోషిస్తున్నారు. క్రికెటర్‌గా, కెప్టెన్‌గా గంగూలీ ప్రస్థానంలోని ముఖ్య ఘట్టాలను చిత్రంలో ఆవిష్కరించనున్నారు. విక్రమాదిత్య మోత్వానే దర్శకత్వం వహిస్తున్న ఈ చిత్రాన్ని లవ్ రంజన్, అంకుర్ గార్గ్ సంయుక్తంగా నిర్మిస్తున్నారు. వచ్చే ఏడాది మే 14న రంజాన్ సందర్భంగా సినిమాను విడుదల చేయనున్నట్లు చిత్రబృందం ప్రకటించింది.