Print Editionబాలకృష్ణ హెల్త్ బులెటిన్

షూటింగ్‌లో గాయపడిన నటుడు బాలకృష్ణ ప్రస్తుతం హైదరాబాద్‌లోని ఏఐజి ఆసుపత్రిలో చికిత్స పొందుతున్నారు. ఆయన ఆరోగ్య పరిస్థితిపై ఆ ఆసుపత్రి వైద్య బృందం బుధవారం హెల్త్ బులెటిన్‌ను విడుదల చేసింది. దీని ప్రకారం బాలకృష్ణ ఎడమ మోకాలి చుట్టూ ఉన్న కణజాలాల్లో రక్తం గడ్డకట్టడం, వాపు వంటి లక్షణాలు కనిపించాయి. ఈ పరిస్థితిని బట్టి చూస్తే కండరాల చీలిక (మజిల్ టియర్) ఉండే అవకాశం ఉందని వైద్యులు వెల్లడించారు. ‘ప్రస్తుతం ఆర్థోపెడిక్ నిపుణుల పర్యవేక్షణలో ఆయనకు చికిత్స జరుగుతోంది. అన్ని టెస్ట్‌లూ పరిశీలించిన తర్వాత ఆపరేషన్ గురించి పరిశీలిస్తాం’ అని వైద్యులు వెల్లడించారు.