విలన్‌గా తరుణ్‌ భాస్కర్‌

దర్శకుడిగా, నటుడిగా గుర్తింపు తెచ్చుకున్న తరుణ్‌ భాస్కర్‌ ఇప్పుడు తమిళ చిత్రంలో ప్రతినాయకుడిగా కనిపించనున్నారు. ప్రదీప్‌ రంగనాథన్‌, మమితా బైజు జంటగా నటిస్తున్న ఓ చిత్రంలో ఆయన విలన్‌ పాత్ర పోషిస్తున్నారు. తొలుత ఈ పాత్రకు దర్శకుడు, నటుడు అశ్వత్‌ మారిముత్తును ఎంపిక చేసినప్పటికీ, రజనీకాంత్‌తో ‘ధర్మన్‌’ చిత్ర పనుల్లో బిజీగా ఉండటంతో ఆయన స్థానంలో తరుణ్‌ భాస్కర్‌ను తీసుకున్నట్లు సమాచారం. ప్రదీప్‌ రంగనాథనే ఈ చిత్రానికి కథ అందించడంతో పాటు తన సొంత నిర్మాణ సంస్థ ‘పీఆర్‌ షో’ పతాకంపై నిర్మిస్తున్నారు. ‘ది ఆల్ఫా యూనిట్‌’ పేరుతో ఆరుగురు యువ దర్శకులు ఈ చిత్రానికి దర్శకత్వం వహిస్తున్నారు. ప్రస్తుతం #PRS01 అనే వర్కింగ్‌ టైటిల్‌తో చిత్రీకరణ జరుగుతోంది.