పెరూలో ఘోర విమాన ప్రమాదం.. 13 మంది మృతి

దక్షిణ అమెరికా దేశమైన పెరూలో ఘోర విమాన ప్రమాదం చోటుచేసుకుంది. నాజ్కా లైన్స్ సమీపంలో శనివారం కూలిపోయిన పర్యాటక విమానంలో ఇద్దరు పైలట్లతో పాటు మొత్తం 13 మంది ప్రాణాలు కోల్పోయారు. పిస్కో విమానాశ్రయం నుంచి నాజ్కా లైన్స్‌ను వీక్షించేందుకు బయలుదేరిన ఈ విమానం టేకాఫ్ అయిన కొద్ది నిమిషాల్లోనే కంట్రోల్ టవర్‌తో సంబంధాలు కోల్పోయి కూలిపోయింది. ప్రమాదానికి గల కారణాలపై అధికారులు దర్యాప్తు ప్రారంభించారు. ఘటనకు ముందు రోజు బలమైన ఈదురుగాలులు, దుమ్ము కారణంగా ఆ ప్రాంతంలో పర్యాటక విమాన సర్వీసులను నిలిపివేసినట్లు స్థానిక మీడియా వెల్లడించింది.