నాటో సైనిక ఉనికి ఆమోదయోగ్యం కాదు : లావ్రోవ్‌

మాస్కో : ఆఫ్ఘనిస్తాన్‌తోపాటు పొరుగుదేశాల్లోనూ నాటో సైనిక ఉనికి ఆమోదయోగ్యం కాదని రష్యా విదేశాంగ మంత్రి సెర్గీ లావ్రోవ్‌ అన్నారు. ఆఫ్ఘనిస్తాన్‌పై మాస్కో ఫార్మాట్‌లో జరిగిన ఎనిమిదో సంప్రదింపుల సమావేశంలో ఆయన మాట్లాడుతూ, పాశ్చాత్య సైనిక ఉనికి ప్రాంతీయ అస్థిరతకు, సంఘర్షణ తీవ్రతకు దారితీసే ప్రమాదం ఉందన్నారు. కాబూల్‌ ఉగ్రవాద వ్యతిరేక చర్యలకు రష్యా భౌతిక, సాంకేతిక, నిపుణుల సహాయం అందించేందుకు సిద్ధంగా ఉందని తెలిపారు. ఆఫ్ఘనిస్తాన్‌లో గత ఐదేళ్లలో అఫీమ్‌ ఉత్పత్తి 90 శాతం తగ్గిందని లావ్రోవ్‌ పేర్కొన్నారు.