లెఫ్టినెంట్‌ కల్నల్‌గా...

దర్శకుడు అనిల్‌ రావిపూడి దర్శకత్వంలో ‘#VenkyAnil5’ తెరకెక్కుతోంది. ఇందులో హీరో వెంకటేశ్‌, కళ్యాణ్‌ రామ్‌ నటిస్తున్నారు. ఈ భారీ ప్రాజెక్టుకు టైటిల్‌ను ఇంకా చిత్రయూనిట్‌ ఖరారు చేయలేదు. హీరోయిన్లుగా కీర్తి సురేశ్‌, కృతి శెట్టి నటిస్తున్నారు. తాజాగా ఈ చిత్రం నుంచి కీలక అప్‌డేట్‌ వచ్చింది. హీరో వెంకటేశ్‌ సినీ పరిశ్రమలోకి వచ్చి 40 సంవత్సరాలు అయిన నేపథ్యంలో చిత్రయూనిట్‌ ఈ మూవీ నుంచి ఫస్ట్‌ లుక్‌ను విడుదల చేసింది. ఇందులో వెంకటేశ్‌ లెఫ్టినెంట్‌ కల్నల్‌ వెంకట్‌ రెడ్డి పాత్రలో నటిస్తున్నారని చిత్రయూనిట్‌ ప్రకటించింది. ఈ సినిమా వచ్చే సంక్రాంతికి విడుదల కానుంది. సాహు గారపాటి నిర్మిస్తున్న ఈ చిత్రానికి సంగీత దర్శకుడు జి.వి. ప్రకాశ్‌ కుమార్‌ సంగీతం అందిస్తున్నారు.