నవంబర్ 13న ‘దొంగ నా కొడుకు’

మౌళి తనుజ్‌ కథానాయకుడిగా నటిస్తున్న ‘దొంగ నా కొడుకు’ విడుదల తేదీ ఖరారైంది. సెప్టెంబర్‌ 4న విడుదల కావాల్సిన ఈ చిత్రం షూటింగ్‌ పూర్తికాకపోవడంతో వాయిదా పడింది. తాజాగా నవంబర్‌ 13న ప్రేక్షకుల ముందుకు తీసుకురానున్నట్లు చిత్రబృందం ప్రకటించింది. ఈ మేరకు కొత్త పోస్టర్‌ను సోషల్‌ మీడియాలో విడుదల చేసింది. శ్రీను కంబాల దర్శకత్వంలో తెరకెక్కుతున్న ఈ చిత్రం రాబరీ, క్రైమ్‌, కామెడీ నేపథ్యంలో రూపొందుతోంది. మైత్రీ మూవీ మేకర్స్‌ నిర్మిస్తున్న ఈ సినిమాతో ‘లిటిల్‌ హార్ట్స్‌’తో హీరోగా పరిచయమైన మౌళి తనుజ్‌ మరోసారి ప్రేక్షకుల ముందుకు రానున్నారు.