అక్టోబర్‌ 2న ‘డోరతీ’

కార్తీక్‌ సుబ్బరాజ్‌ దర్శకత్వంలో కీర్తి సురేష్‌ నటించిన ‘డోరతీ’ తెలుగు రాష్ట్రాల్లో అక్టోబర్‌ 2న విడుదల కానుంది. చిత్రబృందం ఈ విషయాన్ని ప్రకటించింది. స్వలింగ సంపర్కుల నేపథ్యంలో తెరకెక్కిన ఈ సినిమాపై సోషల్‌ మీడియాలో ట్రోలింగ్‌ జరుగుతోంది. మలేషియాలో ఈ చిత్రాన్ని నిషేధించారు. టొరంటో ఇంటర్నేషనల్‌ ఫిల్మ్‌ ఫెస్టివల్‌ (టీఐఎఫ్‌ఎఫ్‌)లో సెప్టెంబర్‌ 12న ఈ చిత్రాన్ని ప్రదర్శించారు. ప్రదర్శన అనంతరం దర్శకుడు కార్తీక్‌ సుబ్బరాజ్‌ దర్శకత్వాన్ని అభినందిస్తూ ప్రేక్షకులు నిలబడి చప్పట్లు కొట్టారు. ఇటీవల తమిళంలో విడుదలైన ఈ చిత్రానికి మంచి స్పందన లభించింది. జ్యోతి దేశ్‌పాండే, గునీత్‌ మోంగా కపూర్‌, అచిన్‌ జైన్‌ సంయుక్తంగా నిర్మించిన ఈ చిత్రానికి ఇళయరాజా సంగీతం అందించారు.