‘కరికాల’లో గాయత్రి భరద్వాజ్‌

‘శంబాల’ చిత్రంతో గుర్తింపు తెచ్చుకున్న యుగంధర్‌ ముని దర్శకత్వంలో సందీప్‌ కిషన్‌ హీరోగా నటిస్తున్న పాన్‌ ఇండియా చిత్రం ‘కరికాల’. ఇప్పటికే కేథరిన్‌ థ్రెసా, సాక్షి మడోల్కర్‌ కీలక పాత్రల్లో నటిస్తున్నట్లు ప్రకటించిన చిత్రబృందం.. తాజాగా మరో హీరోయిన్‌ గాయత్రి భరద్వాజ్‌ ఈ సినిమాలో భాగమైనట్లు వెల్లడించింది. ఈ సందర్భంగా ఆమెకు సంబంధించిన కొత్త పోస్టర్‌ను విడుదల చేసింది. షైనింగ్‌ పిక్చర్స్‌ పతాకంపై మహిధర్‌ రెడ్డి, రాజశేఖర్‌ అన్నభీమోజు నిర్మిస్తున్న ఈ చిత్రం రెండు భాగాలుగా ప్రేక్షకుల ముందుకు రానుంది. తొలి భాగం 2027 జూలై 2న, రెండో భాగం అదే ఏడాది అక్టోబర్‌ 28న విడుదల కానున్నట్లు చిత్రబృందం ప్రకటించింది.