10న ‘మండాడి’ విడుదల

సుహాస్‌, సూరి ముఖ్య పాత్రల్లో నటించిన చిత్రం ‘మండాడి’. ఎల్రెడ్‌ కుమార్‌ సమర్పణలో ఆర్‌ఎస్‌ ఇన్ఫోటైన్‌మెంట్‌ బ్యానర్‌పై మతిమారన్‌ పుగళేంది దర్శకత్వంలో తెరకెక్కిన ఈ చిత్రాన్ని ఎల్రెడ్‌ కుమార్‌ నిర్మించారు. మహిమా నంబియార్‌ హీరోయిన్‌గా నటించగా, సత్యరాజ్‌, రవీంద్ర విజయ్‌, మిథున్‌, బాల శరవణన్‌ తదితరులు కీలక పాత్రలు పోషించారు. సెప్టెంబర్‌ 10న తెలుగు, తమిళం, కన్నడ, మలయాళం, హిందీ భాషల్లో ఈ చిత్రం విడుదల కానుంది. ఏపీ, తెలంగాణలో మైత్రి మూవీ డిస్ట్రిబ్యూటర్స్‌ ఎల్‌ఎల్‌పీ విడుదల చేయనుంది. తాజాగా విడుదలైన టీజర్‌లోని డైలాగ్స్‌, బోట్‌ సీక్వెన్స్‌, పడవ పందేల సన్నివేశాలు ఆకట్టుకుంటున్నాయి. ఎస్‌.ఆర్‌. కథిర్‌ సినిమాటోగ్రఫీ కూడా ఆకట్టుకుంటోంది.