సంగీత దర్శకుడు దేవా కన్నుమూత...

ప్రముఖ తమిళ సంగీత దర్శకుడు దేవా (75) గురువారం కన్నుమూశారు. గుండెపోటుతో చెన్నైలోని ఓ ప్రైవేటు ఆసుపత్రిలో చికిత్స పొందుతూ తుదిశ్వాస విడిచారు. ఆయన మృతికి తమిళనాడు ముఖ్యమంత్రి, నటుడు విజయ్‌తో పాటు పలువురు సినీ ప్రముఖులు సంతాపం తెలిపారు. 1950లో చెన్నైలో జన్మించిన దేవా, జె.బి. కృష్ణ వద్ద శాస్త్రీయ సంగీతం నేర్చుకున్నారు. 1986లో విడుదలైన ‘మాట్టుకర మన్నారు’ చిత్రంతో సంగీత దర్శకుడిగా పరిచయమయ్యారు. తమిళం, తెలుగు, మలయాళం, కన్నడ భాషల్లో 400కు పైగా సినిమాలకు సంగీతం అందించారు. తెలుగులో ‘శ్రీమాన్‌ బ్రహ్మచారి’తో ప్రారంభమైన ఆయన ప్రస్థానంలో ‘మాస్టర్‌’, ‘తొలిప్రేమ’, ‘ఆటోడ్రైవర్‌’, ‘బాగున్నారా’, ‘నాగ’ వంటి చిత్రాలు ఉన్నాయి. రజనీకాంత్‌ నటించిన ‘బాషా’, ‘అన్నామలై’, ‘అరుణాచలం’ చిత్రాలకూ ఆయన స్వరాలు సమకూర్చారు. కథలోని భావోద్వేగాలకు తగిన సంగీతాన్ని అందించడంలో ప్రత్యేక గుర్తింపు పొందిన దేవా, చెన్నైలో ప్రాచుర్యం పొందిన ‘గానా’ సంగీత శైలిని సినిమా పాటల్లోకి తీసుకొచ్చారు. దీంతో ఆయన ‘గానా’ సంగీతానికి మార్గదర్శకుడిగా పేరుపొందారు.