‘సీక్రెట్ సోల్జర్‌’గా టైటిల్ మార్పు

నిహాల్ కోదాటి, సూర్య శ్రీనివాస్ హీరోలుగా నటిస్తున్న స్పై థ్రిల్లర్‌కు ‘సీక్రెట్ సోల్జర్‌’ అనే కొత్త టైటిల్‌ను ఖరారు చేసినట్లు చిత్రబృందం ప్రకటించింది. ఇప్పటివరకు ఈ చిత్రం ‘చైనా పీస్’ పేరుతో ప్రచారంలో ఉంది. అక్కి విశ్వనాథ రెడ్డి దర్శకత్వంలో మూన్ లైట్ డ్రీమ్స్ పతాకంపై రూపొందుతున్న ఈ చిత్రానికి సెంట్రల్ బోర్డ్ ఆఫ్ ఫిల్మ్ సర్టిఫికేషన్ (సీబీఎఫ్‌సీ) ‘U/A 16+’ సర్టిఫికెట్ జారీ చేసింది. ప్రస్తుతం నిర్మాణానంతర కార్యక్రమాలు జరుపుకుంటున్న ఈ చిత్రాన్ని సెప్టెంబర్‌లో ప్రపంచవ్యాప్తంగా థియేటర్లలో విడుదల చేయడానికి నిర్మాతలు సన్నాహాలు చేస్తున్నారు. ఈ చిత్రంలో హర్షిత బండ్కమూరి కథానాయికగా నటిస్తుండగా, కమల్ కామరాజు, తులసి, రఘుబాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ కీలక పాత్రలు పోషించారు.