ఖాట్మాండు : నేపాల్-టిబెట్ ఆకస్మిక వరదలతో నేపాల్-టిబెట్లో మృతుల సంఖ్య 273కి చేరింది. సుమారు 1,300 మంది గల్లంతయ్యారని రెండు దేశాల అధికారులు గురువారం వెల్లడించారు. బాధితులలో చాలామంది ట్రెక్కింగ్, హిందూ క్షేత్ర సందర్శన కోసం వచ్చిన విదేశీయులే ఉన్నారని అన్నారు. సుమారు 270 మంది మరణించారని, 826 మంది గల్లంతయ్యారని పోలీసులు తెలిపారు. తాజా సమాచారం ప్రకారం.. గల్లంతైన వారిలో 113 మంది నేపాలీ పర్యాటకులు, సైన్యం, పోలీసులకు చెందిన 85 మంది భద్రతా సిబ్బంది, అలాగే రసువా జిల్లాకు చెందిన 161 మంది, నువాకోట్ జిల్లాకు చెందిన ఒక స్థానికుడు ఉన్నారని నేషనల్ ఎమర్జెన్సీ ఆపరేషన్ సెంటర్ పేర్కొన్నట్లు స్థానిక మీడియా తెలిపింది.
సుమారు 517మంది విదేశీయులు గల్లంతు,
30 దేశాలకు చెందిన సుమారు 517 మంది విదేశీయులు గల్లంతయ్యారని నేషనల్ టూరిజం బోర్డు వెల్లడించింది. గల్లంతైన వారిలో 179 మంది భారతీయులేనని నేపాల్ పర్యాటక శాఖ వెల్లడించింది. వీరిలో అధిక శాతం మంది హిందువులు పవిత్ర ప్రదేశంగా భావించే టిబెట్లోని కైలాసపర్వత యాత్రలో ఉన్నారని పేర్కొన్నారు. టిబెట్లోని గిరోంగ్ కౌంటీలో కనీసం ముగ్గురు మరణించారని, 558 మంది గల్లంతయ్యారని ప్రభుత్వ మీడియా నివేదించింది. గల్లంతైన 558 మందిలో 260 మంది విదేశీయులేనని చైనా అధికారిక మీడియా తెలిపింది. నేపాల్ వైపు సుమారు 100 మంది చైనా పౌరులు గల్లంతయ్యారని చైనా విదేశాంగ శాఖ తెలిపింది. గల్లంతైన వారిలో 65 మంది అమెరికాకు చెందినవారని, అలాగే 51 మంది మలేషియా పౌరులు కూడా ఉన్నారని ఆ శాఖ పేర్కొంది. 55 మంది ఉక్రేనియన్లు గల్లంతయ్యారని ఉక్రెయిన్ విదేశాంగ మంత్రిత్వ శాఖ తెలిపింది. ఈ సంఖ్యలో, 47 మంది చొప్పున రెండు పర్యాటక బృందాలు, ఏడుగురు వ్యక్తులు, అలాగే ఒక విదేశీ పర్యాటక బృందంతో ప్రయాణిస్తున్న ఒక ఉక్రేనియన్ మహిళ కూడా ఉన్నారని మంత్రిత్వ శాఖ పేర్కొంది. 35 మంది ఆస్ట్రేలియన్లు గల్లంతయ్యారని బోర్డు తెలిపింది. గల్లంతైన వారిలో 33 మంది బ్రిటన్కు చెందిన వారని బోర్డు పేర్కొంది. గల్లంతైన వారిలో 25 మంది కెనడాకు చెందిన వారని నేపాల్ పర్యాటక బోర్డు తెలిపింది.
నేపాల్లో జలవిద్యుత్ ప్లాంటు నిర్మాణ పనుల్లో ఉన్న తొమ్మిది మంది పౌరులు గల్లంతయ్యారని దక్షిణ కొరియా ప్రభుత్వ అధికారులు తెలిపారు. నేపాల్ పర్యాటక బోర్డు ప్రకారం, ఎనిమిది మంది సింగపూర్వాసులు గల్లంతయ్యారు. జర్మనీకి చెందిన ఎనిమిది మంది పర్యాటకులు, రష్యాకు చెందిన ఎనిమిది మంది, దక్షిణాఫ్రికాకు చెందిన ఆరుగురు, మరియు లాట్వియాకు చెందిన ఆరుగురు పర్యాటకులు గల్లంతయ్యారని నేపాల్ పర్యాటక శాఖ తెలిపింది. స్థానిక నివేదిక ప్రకారం.. ఐదుగురు జపాన్ జాతీయులు గల్లంతయ్యారని, ఆందోళన వ్యక్తం చేస్తున్నట్లు జపాన్ ప్రధాని సనాయ్ తకైచి ఆందోళన వ్యక్తం చేశారు. న్యూజిలాండ్కు చెందిన ఐదుగురు, ఫ్రాన్స్కు చెందిన నలుగురు, బెల్జియంకు చెందిన ముగ్గురు, స్పెయిన్కు చెందిన ముగ్గురు సందర్శకులు కూడా గల్లంతయ్యారని నేపాల్ పర్యాటక మండలి తెలిపింది.ఇటలీ, కజకిస్తాన్, పోర్చుగల్, ఐర్లాండ్ మరియు నెదర్లాండ్స్ నుండి ఇద్దరేసి చొప్పున వ్యక్తులు గల్లంతయ్యారని బోర్డు తెలిపింది. బెలారస్, ఫిన్లాండ్, హంగరీ, ఇజ్రాయెల్, లిథువేనియా, ఫిలిప్పీన్స్, బల్గేరియా, స్విట్జర్లాండ్, సెర్బియా మరియు స్వీడన్ నుండి ఒక్కొక్కరు చొప్పున మరో 10 మంది కూడా గల్లంతయ్యారని అది పేర్కొంది
కామెంట్లు (0)