యువతను ఆకట్టుకునేలా స్నీకర్లు, స్పోర్ట్స్‌ షూస్‌ కొత్త కలెక్షన్‌
హైదరాబాద్‌: ఫుట్‌వేర్‌ సంస్థ రిలాక్సోకు చెందిన స్పార్క్స్‌ బ్రాండ్‌ నూతన ప్రచార కార్యక్రమాన్ని ప్రారంభించింది. ‘గ్రేటెస్ట్‌ ఆఫ్‌ టుడే’ (జీఓటీ) పేరుతో రూపొందించిన ఈ క్యాంపెయిన్‌లో సినీనటి తమన్నా భాటియా, నటుడు లక్ష్య లాల్వాని భాగమయ్యారు. యువ వినియోగదారులను లక్ష్యంగా చేసుకుని రూపొందించిన స్నీకర్లు, స్పోర్ట్స్‌ షూస్‌ కొత్త శ్రేణిని ఈ సందర్భంగా పరిచయం చేసింది.
‘గ్రేటెస్ట్‌ ఆఫ్‌ ఆల్‌ టైమ్‌’ (గోట్‌) అనే పదం నుంచి స్ఫూర్తి పొంది ‘గ్రేటెస్ట్‌ ఆఫ్‌ టుడే’ పేరును ఎంచుకున్నట్లు సంస్థ తెలిపింది. నేటి యువత జీవనశైలి, వ్యక్తిగత అభిరుచులు, ఫ్యాషన్‌ ప్రాధాన్యాలకు అనుగుణంగా ఈ ప్రచారాన్ని రూపొందించినట్లు పేర్కొంది. బలమైన స్టైల్‌ వ్యక్తీకరణకు అనువైన స్నీకర్లు, చురుకైన జీవనశైలికి సరిపోయే బహుముఖ స్పోర్ట్స్‌ షూస్‌ను ఈ కలెక్షన్‌లో అందుబాటులోకి తీసుకొచ్చింది.
బీబీడీఓ గ్రూప్‌ ఇండియాలో భాగమైన ముద్రా ఈ ప్రచార కార్యక్రమాన్ని రూపొందించింది. టెలివిజన్‌, ప్రింట్‌, డిజిటల్‌, అవుట్‌డోర్‌ మాధ్యమాల ద్వారా క్యాంపెయిన్‌ను విస్తృతంగా నిర్వహించనున్నట్లు రిలాక్సో ఫుట్‌వేర్స్‌ కో-సీఈఓ, హోల్‌టైమ్‌ డైరెక్టర్‌ గౌరవ్‌ కుమార్‌ దువా తెలిపారు.
నేటి తరానికి గొప్పతనం అంటే జీవితంలో సాధించే పెద్ద విజయాలు, కీలక మైలురాళ్లకే పరిమితం కాదని దువా పేర్కొన్నారు. ప్రతి క్షణంలో వ్యక్తులు తీసుకునే నిర్ణయాలు, వారు ఎంచుకునే అనుభవాలు, తమను తాము వ్యక్తీకరించే విధానంలోనూ గొప్పతనం ఉంటుందని వివరించారు. నేటి యువ భారతీయుల సంస్కృతి, ఆలోచనా ధోరణికి దగ్గరగా ఉండే భావనను ప్రజల్లోకి తీసుకెళ్లడమే స్పార్క్స్‌ లక్ష్యమని తెలిపారు.
తమన్నా, లక్ష్య లాల్వాని తమదైన వ్యక్తిగత శైలితో ఈ ప్రచార భావనకు మరింత ఆకర్షణ తీసుకొస్తున్నారని ఆయన అన్నారు. కొత్త కలెక్షన్‌ యువత ఫ్యాషన్‌ అభిరుచులు, చురుకైన జీవనశైలికి అనుగుణంగా ఉంటుందని పేర్కొన్నారు.
కామెంట్‌లు (0)