మహారాష్ట్రలో కూలిన శిక్ష‍ణా విమానం

ముంబయి : ప్రైవేట్‌ సంస్థకు చెందిన శిక్ష‍ణా విమానం మహారాష్ట్రలో కుప్పకూలింది. పూణె జిల్లాలోని బారామతి ఎయిర్‌స్ట్రిప్‌కి సమీపంలో ఆదివారం మధ్యాహ్నం 12.30 గంటల సమయంలో ఈ ఘటన జరిగినట్లు పోలీసులు ఒక ప్రకటనలో తెలిపారు. గాయాల పాలైన వారికి సంబంధించిన వివరాలు తెలియాల్సి వుందని అన్నారు. విమానంలో సాంకేతిక సమస్య తలెత్తిందా లేదా ఇతర సమస్యలు ఏమైనా ఉన్నాయా అన్న కోణంలో దర్యాప్తు చేపడుతున్నామని అన్నారు.