ఐచి-నగోయా(జపాన్): ఆసియా క్రీడలు 2026లో భారత్కు మరో రెండు స్వర్ణ పతకాలు దక్కాయి. మహిళల ట్రాప్ షూటింగ్, 400మీ. రిలేలో ఇవి లభించాయి. దీంతో ఈ ఆసియా క్రీడల్లో భారత్కు దక్కిన బంగారు పతకాల సంఖ్య 6కు చేరింది. మంగళవారం భారత అథ్లెట్లు రెండు స్వర్ణాలు, ఒక రజతం, ఐదు కాంస్యాలతో సహా ఎనిమిది పతకాలను గెలుచుకున్నారు. దీంతో ఆసియా క్రీడల్లో భారత్కు దక్కిన పతకాల సంఖ్య 53కి చేరింది. ఇందులో 6 స్వర్ణాలు, 21 రజతాలు, 26 కాంస్య పతకాలు ఉన్నాయి. షూటర్ నీరూ ధండా మహిళల ట్రాప్ ఈవెంట్లో స్వర్ణ కైవసం చేసుకోవడానికి ముందు ఆషిమా అహ్లావత్, మనీషా కీర్లతో కలిసి మహిళల ట్రాప్ టీమ్ పోటీలో రజతం సాధించింది. ట్రాక్పై మహిళల 4x400 మీటర్ల రిలే జట్టు అద్భుత ప్రదర్శన చేసి దేశానికి రెండో స్వర్ణాన్ని అందించింది. దీంతో ఈ క్రీడల్లో భారత్కు దక్కిన పతకాల సంఖ్య 50కి చేరింది. అలాగే మిక్స్డ్ 4x100 మీటర్ల రిలే జట్టు కాంస్యం, పురుషుల 5వేల మీటర్ల పరుగులో గుల్వీర్ సింగ్ కాంస్యం సాధించగా, మహిళల హైజంప్లో పూజా సింగ్ కాంస్యం కైవసం చేసుకుంది. ఇదే ఈవెంట్లో పురుషుల 4x400 మీటర్ల రిలే జట్టు మరో కాంస్యాన్ని జోడించగా, పురుషుల కేజీల విభాగంలో బాక్సర్ నరేందర్ బెర్వాల్ కాంస్యం సాధించారు.
మంగళవారం జరిగిన ట్రాప్ షూటింగ్ ఫైనల్లో మొత్తం 30 షాట్లలో 28 లక్ష్యాలను ఛేదించి అగ్రస్థానంలో నిలిచింది. చైనాకు చెందిన సన్ యునాంగ్ 26/30 స్కోరుతో రజతం సాధించగా.. కువైట్కు చెందిన హజర్ అబ్దుల్మాలిక్ 21/25తో కాంస్య పతకం దక్కించుకుంది. ఇక పురుషుల ట్రాప్ టీమ్ ఈవెంట్లో భారత్కు ఈసారి నిరాశ తప్పలేదు. శపథ్ భరద్వాజ్, కైనన్ చెనై, అహ్వర్ రిజ్వీ కలిసి 339 పాయింట్లు సాధించడంతో భారత్ ఆరో స్థానంలో నిలిచింది. కువైట్ (స్వర్ణం-355), కతార్ (రజతం-349), కజకిస్థాన్ (కాంస్యం-348) సాధించాయి.
మహిళల 4x400 మీటర్ల రిలే ఫైనల్లో భారత బృందం అదరగొట్టింది కిరణ్ పహల్, మచెట్టిర పూవమ్మ, ప్రాచీ, విద్య రామ్రాజ్లతో కూడిన భారత బృందం ఫైనల్లో 3 నిమిషాల 29.69సెకన్ల వ్యవధిలో గమ్యానికి చేరి దిప్రథమస్థానంలో నిలిచారు. బహ్రెయిన్ అథ్లెట్లు 3:30.21, చైనా బృందం 3:31.02 సెకన్ల వ్యవధిలో పరుగు పూర్తి చేసి రజత, కాంస్య పతకాలు అందుకున్నారు. ఫైనల్ రేస్ ఆరంభం నుంచి భారత్కు గట్టి పోటీ ఎదురైంది. ముఖ్యంగా చివరి దశలో బహ్రెయిన్ రన్నర్ సల్వా ఈద్ నాసర్ వేగంగా దూసుకు రావడంతో విత్య రామ్రాజ్పై తీవ్ర ఒత్తిడి నెలకొంది. అయితే ఆమె ఏమాత్రం తడబడకుండా వేగాన్ని కొనసాగిస్తూ భారత జట్టును ముందంజలో నిలిపింది. దీంతో బహ్రెయిన్ కంటే భారత్ 0.52 సెకన్ల ముందుగా గమ్యాన్ని పూర్తిచేసింది.
5వేల మీ. రిలే పరుగులో గుల్వీర్ సింగ్ కాంస్య పతకంతో మెరిసాడు. ఇప్పటికే రెండు విభాగాల్లో పోడియంపై నిలుస్తున్న ఈ మారథాన్ రన్నర్.. హ్యాట్రిక్ మెడల్ సాధించాడు. మంగళవారం జరిగిన పురుషుల 5000మీ ఫైనల్లో గుల్వీర్ 13 నిమిషాల 32.75 సెకన్లలో గమ్యానికి చేరి కాంస్య పతకం సాధించాడు. తద్వారా అథ్లెటిక్స్ దిగ్గజం పీటీ ఉష అనంతరం ఒకే ఎడిషన్లో మూడు మెడల్స్ పట్టేసిన భారత రెండో అథ్లెట్గా గుల్వీర్ చరిత్ర సృష్టించాడు. ఈ క్రీడల్లోనే గుల్వీర్ 1,500మీ, 10వేల మీటర్లలో రజత పతకాలతో మురిశాడు. బహ్రెయిన్కు చెందిన బిర్హాను బాలే (13:30.79 సెకన్లు) స్వర్ణం గెలుచుకోగా, జపాన్ అథ్లెట్ యమాగుచి టొమొనొరి (13:31.43 సెకన్లు) రజతం అందుకున్నాడు.
కామెంట్లు (0)