నేటి నుంచే ‘ఎఇఇ’ పరీక్షలు

ప్రజాశక్తి-అమరావతి బ్యూరో : విద్యుత్‌ ‌సంస్థల్లో విడుదల చేసిన 629 అసిస్టెంట్‌ ఎగ్జీక్యూటీవ్‌ ఇంజనీర్‌(ఎఇఇ) పోస్టులకు ఆదివారం నుంచి పరీక్షలు ప్రారంభం కానున్నాయి. 1,05,566 మంది అభ్యర్ధులు దరఖాస్తు చేసుకున్న ఈ పరీక్షకు 94 పరీక్షా కేంద్రాలను విద్యుత్‌ ‌సంస్థలు ఏర్పాటు చేశాయి. కంప్యూటర్‌ ఆధారిత విధానంలో జరిగే ఈ పరీక్షలు 27వ తేది వరకు రెండు పూటా జరగనున్నాయి. ఉదయం 9 నుంచి మధ్యాహ్నం 12 గంటల వరకు జరిగే పరీక్షకు ఉదయం 7.30 గంటల నుంచి, మధ్యాహ్నం 2.30 నుంచి 5.30 గంటల వరకు జరిగే పరీక్షకు మధ్యాహ్నం 1 గంట నుంచి అభ్యర్ధులను పరీక్షా కేంద్రాల్లో అనుమతి ఇస్తారు. ఈ పరీక్షకు అన్ని ఏర్పాట్లు పూర్తి చేశామని ఇంధన శాఖమంత్రి గొట్టిపాటి రవికుమార్‌ ‌శనివారం ఒక ప్రకటనలో తెలిపారు. ప్రభుత్వం ఎంతో పారదర్శకంగా ఈ పరీక్షలను నిర్వహిస్తుందని, ఉద్యోగాలు ఇప్పిస్తామంటూ ఎవరైనా నిరుద్యోగుల్ని మోసాగించాలని చూస్తే కఠిన చర్యలు తప్పవని హెచ్చరించారు. ఎవరైనా ప్రలోభ పెడుతుంటే అభ్యర్థులు కూడా నేరుగా ప్రభుత్వానికి ఫిర్యాదు చేయాలని సూచించారు.