ఘోర రోడ్డు ప్రమాదం.. ఇద్దరు యువకులు మృతి

ప్రజాశక్తి-నర్సీపట్నం: నర్సీపట్నం మున్సిపాలిటీ పరిధిలోని పెద్దబొడ్డేపల్లిలో ఘోర రోడ్డు ప్రమాదం చోటుచేసుకుంది. ఈ ప్రమాదంలో ఇద్దరు యువకులు అక్కడికక్కడే మృతి చెందారు. పెద్దబొడ్డేపల్లిలోని గురుకుల పాఠశాల సమీపంలో టిప్పర్‌ను కారు ఢీకొనడంతో ఈ ఘటన జరిగినట్లు సమాచారం. ప్రమాదంలో కారులో ప్రయాణిస్తున్న ఇద్దరు యువకులు ప్రాణాలు కోల్పోయారు. మృతుల వివరాలు, ప్రమాదానికి గల కారణాలు తెలియాల్సి ఉంది.