ఢిల్లీకి మంత్రి అచ్చెన్నాయుడు

ప్రజాశక్తి-అమరావతి బ్యూరో : ఢిల్లీ పర్యటనలో భాగంగా వ్యవసాయ శాఖ మంత్రి కె.అచ్చెన్నాయుడు, కేంద్ర ఆర్థిక మంత్రి నిర్మలా సీతారామన్, వాణిజ్య, పరిశ్రమల శాఖ మంత్రి పీయూష్ గోయల్‌తో సోమవారం సమావేశం కానున్నారు. ఈ మేరకు ఆదివారం ఆయన ఢిల్లీకి పయనమయ్యారు. ఈ సందర్భంగా పొగాకు రైతులు ఎదుర్కొంటున్న సమస్యలను కేంద్ర మంత్రుల దృష్టికి తీసుకెళ్లి పరిష్కారించాల్సిందిగా కోరనున్నారు. అలాగే ఆక్వా రైతుల సమస్యలపైనా కేంద్రంతో కీలకంగా చర్చించనున్నారు. రైతుల ప్రయోజనాలే లక్ష్యంగా మంత్రి అచ్చెన్నాయుడు ఢిల్లీ పర్యటన ఉండనుందని అధికారులు వెల్లడించారు.