Print Editionనేటి నుంచి ప్రత్యేక టెట్‌

ప్రజాశక్తి-అమరావతి బ్యూరో : రాష్ట్రంలో ఉపాధ్యాయుల కోసం నిర్వహిస్తున్న ప్రత్యేక ఉపాధ్యాయ అర్హత పరీక్ష (టెట్‌) ఆదివారం నుంచి ప్రారంభం కానుంది. ఆగస్టు 25 నుంచి సెప్టెంబరు 24వ తేదీ వరకు ఈ టెట్‌ ‌కోసం దరఖాస్తులను పాఠశాల విద్యాశాఖ స్వీకరించగా, 68,420 మంది ఉపాధ్యాయులు 83,105 దరఖాస్తులు సమర్పించారని టెట్‌ ‌కన్వీనర్‌ ఎంవి కృష్ణారెడ్డి శనివారం ఒక ప్రటకనలో వెల్లడించారు. 5 రోజులపాటు 10 సెషన్‌‌లలో 32 పేపర్లకు కంప్యూటర్‌ ఆధారిత పరీక్ష (సిబిటి) విధానంలో నిర్వహిస్తున్నట్లు తెలిపారు. మొత్తం 73 పరీక్షా కేంద్రాలను ఏర్పాటు చేశామని, రాష్ట్రంలో 64, పొరుగు రాష్ట్రాల్లో 9 కేంద్రాలు ఉన్నాయని వివరించారు. ఉదయం 9:30 నుంచి మధ్యాహ్నం 12 గంటల వరకు తొలి సెషన్‌, మధ్యాహ్నం 2:30 నుంచి సాయంత్రం 5 గంటల వరకు రెండో సెషన్‌ ‌జరగనుందన్నారు. పరీక్షకు హాజరయ్యే ఉపాధ్యాయులు వ్యక్తిగత లాగిన్‌‌లో ఉన్నాయని, అధికారిక వెబ్‌‌సైట్‌ ‌http://cse.ap.gov.in/, http://tet2dsc.apcfss.in/ ద్వారా డౌన్‌‌లోడ్‌ ‌చేసుకోవాలని సూచించారు. హాల్‌ ‌టికెట్‌‌తో పాటు ప్రభుత్వం జారీ చేసిన గుర్తింపు కార్డుతో పరీక్షకు హాజరు కావాలన్నారు. పరీక్ష ప్రారంభానికి కనీసం గంట ముందుగానే తమకు కేటాయించిన పరీక్షా కేంద్రానికి చేరుకోవాలని సూచించారు.