27న 'చలో విజయవాడ`

​ప్రజాశక్తి - గోపాలపురం : చలో విజయవాడ కార్యక్రమాన్ని విజయవంతం చేయాలని ఎస్ జి ఎస్ డబ్ల్యూ ఉద్యోగులు పిలుపునిచ్చారు. శుక్రవారం దీనికి సంబంధించిన ఇన్ ఛార్జి ఎంపిడిఒ కెఎం.మంగతాయారుకు వినతిపత్రాన్ని అందజేశారు. ఈ సందర్భంగా ఎస్.జిఎస్.డబ్ల్యూ ఉద్యోగులు విలేకరులతో మాట్లాడారు. మండలంలో ప్రభుత్వ ఎస్.జిఎస్.డబ్ల్యు ఉద్యోగుల ఐక్యవేదిక ఆధ్వర్యంలో సమస్యలు పరిష్కరించాలని ఈ నెల 27న విజయవాడలో నిర్వహించనున్న నిరసన కార్యక్రమాన్ని విజయవంతం చేయాలని కోరారు. రెండేళ్ల ఇంక్రిమెంట్ మంజూరు చేయాలని, ఎఎఎస్ ఆటోమేటిక్ అడ్వాన్స్ మెంట్ స్కీం అమలు చేయాలని, 9 నెలల వేత బకాయిలకు సంబంధించిన ఎరియర్స్ చెల్లించాలని, ఆలస్యమైన కాలానికి ప్రత్యేక ఇంక్రిమెంట్, కనీస మూల వేతనం రూ.30వేలు చేయాలని, జిఒ 11 రద్దు చేయాలనే ప్రధాన డిమాండ్లతో ఈ కార్యకమాన్ని చేపట్టామన్నారు.