మీ చేతిలో అక్షరాలు పూలై
పూయాల్సిందిపోయి
కత్తుల కవాతా!
అమ్మో..
విపత్తులో పడింది చదువులమ్మ!
కలం అందుకోవలసిన చేతులు
కత్తులందుకోవడం జాతికే విపత్తు
నివ్వెరపోతుంది దేశం యావత్తు
క్రమశిక్షణకు మీరిచ్చిన బహుమతి
కడుపునిండా కత్తులు
ఎంత వేగం మరిచిపోయారు
మీరూ అమ్మల కడుపులో పడిన విత్తులు
ఇప్పుడు నాకు
బడికి వెళ్లడానికి భయమేస్తుంది
ఎటు పోతుంది బాల్యం
వ్యవస్థ చేసుకోవాలి పునరావలోకనం!
(దుర్వ్యసనాలకు గురైన ఇద్దరు పదో తరగతి విద్యార్థులను మంచిగా ఉండాలని మందలించినందుకు ప్రిన్సిపాల్పై కక్షగట్టి దారుణంగా చంపిన సంఘటన చూసి)
- డా. సారిపల్లి నాగరాజు, 80083 70326
కామెంట్లు (0)