యమునా ఎక్స్‌ప్రెస్‌వేపై బస్సులో మంటలు.. 9 మంది మృతి

గ్రేటర్ నోయిడా: ఉత్తర్‌ప్రదేశ్‌లో ఘోర రోడ్డు ప్రమాదం చోటుచేసుకుంది. గ్రేటర్ నోయిడాలోని యమునా ఎక్స్‌ప్రెస్‌వేపై గురువారం తెల్లవారుజామున స్లీపర్ బస్సులో మంటలు చెలరేగాయి. ఈ ఘటనలో 9 మంది మృతి చెందగా, పలువురు గాయపడ్డారు. ప్రమాదం గురించి సమాచారం అందుకున్న పోలీసులు, అగ్నిమాపక సిబ్బంది ఘటనాస్థలికి చేరుకుని సహాయక చర్యలు చేపట్టారు. గాయపడిన వారిని చికిత్స నిమిత్తం ఆసుపత్రికి తరలించారు. ప్రమాదానికి గల కారణాలపై అధికారులు దర్యాప్తు చేస్తున్నారు.