జంతర్‌ మంతర్‌లో సిఐటియు కార్యకర్తలపై లాఠీఛార్జి

సిపిఐ(ఎం), ఎస్‌ఎఫ్‌ఐ, డివైఎఫ్‌ఐ నాయకులను రోడ్డుపై ఈడ్చుకెళ్లిన పోలీసులు

న్యూఢిల్లీ : సిపిఐ(ఎం) నేతలను అరెస్టు చేసిన అనంతరం జంతర్‌ మంతర్‌ నిరసన ప్రదేశంలోకి సిఐటియు కార్యకర్తలు ప్రవేశించారు. ప్రదర్శనగా వచ్చిన కార్యకర్తలు నిరసనలో పాల్గొనేందుకు ముందుకు సాగగా, వారిని అడ్డుకుని అదుపులోకి తీసుకునేందుకు ఢిల్లీ పోలీసులు ప్రయత్నించారు. ఈ క్రమంలో నిరసనకారులపై బలప్రయోగానికి దిగిన పోలీసులు, కేంద్ర భద్రతా దళాల సిబ్బంది పలువురిపై లాఠీలతో దాడి చేసినట్లు సమాచారం. ప్రదర్శన నిర్వహించేందుకు కూడా అనుమతించకుండా పోలీసులు అడ్డుకుంటున్నారని సిపిఐ(ఎం) నేత ఎలమరం కరీం విమర్శించారు. మరోవైపు, నిరసనకారులపై లాఠీఛార్జి చేశారని, సిపిఐ(ఎం), ఎస్‌ఎఫ్‌ఐ, డీవైఎఫ్‌ఐ నాయకుల్లో పలువురిని రోడ్డుపై ఈడ్చుకెళ్లినట్లు తెలుస్తోంది.