IRCTC scam case : ఆర్‌జెడి అధ్యక్ష‍ుడు లాలూకి ఉపశమనం

న్యూఢిల్లీ : ఐఆర్‌సిటిసి హోటల్స్‌ స్కామ్‌ కేసులో ఆర్‌జెడి అధ్యక్ష‍ుడు లాలూప్రసాద్‌ యాదవ్‌కు ఉపశమనం లభించింది. మాజీ రైల్వే మంత్రి లాలూయాదవ్‌, ఆయనభార్య రబ్రీ దేవి, కుమారుడు తేజస్వీయాదవ్‌, సహా ఇతర కుటుంబసభ్యులపై ఈ కేసుకు సంబంధించి మనీలాండరింగ్‌ అభియోగాలు నమోదు చేయడాన్ని ఢిల్లీ కోర్టు శుక్రవారం వాయిదా వేసింది. నవంబర్‌ 19 వరకు ఈ చర్యలను వాయిదా వేయాల్సిందిగా ఈడి అధికారులను ప్రత్యేక న్యాయమూర్తి ప్రశాంత్‌ కుమార్‌ ఆదేశించారు. అయితే, ఉన్నత న్యాయస్థానం ఏదైనా ఉత్తర్వు ద్వారా మినహాయింపు ఇచ్చినా, స్టే మంజూరైన వారు తప్ప మిగిలిన వారందరూ తదుపరి విచారణ తేదీ నాటికి హాజరుకావాలని ఆదేశించారు.