- పంజాబ్లో కుప్పకూలిన ఇనుప వంతెన
- వంతెనపై వేలాడుతున్న రెండు ట్రక్కులు
పంజాబ్: పంజాబ్లోని పటియాలాలో భారీ ప్రమాదం చోటుచేసుకుంది. భాక్రా కాలువపై నిర్మించిన ఇనుప వంతెన ఈ ఉదయం అకస్మాత్తుగా కూలిపోయింది. ప్రమాదం జరిగిన సమయంలో రెండు ట్రక్కులు వంతెనపై ప్రయాణిస్తుండటంతో అవి కూలిపోయిన వంతెనపై చిక్కుకుపోయాయి. ప్రస్తుతం రెండు ట్రక్కులు వంతెన శిథిలాలపై వేలాడుతున్నట్లు సమాచారం. ఈ వంతెనను నేషనల్ హైవేస్ అథారిటీ ఆఫ్ ఇండియా 2016లో నిర్మించినట్లు తెలుస్తోంది. వంతెనకు సుమారు 100 ఏళ్ల మన్నిక ఉంటుందని గతంలో పేర్కొన్నప్పటికీ, నిర్మించిన పదేళ్లు కూడా పూర్తికాకముందే కూలిపోవడం చర్చనీయాంశంగా మారింది. వంతెన కూలిపోవడానికి గల కారణాలు ఇంకా తెలియరాలేదు. ప్రమాద సమయంలో ట్రక్కుల్లో ఉన్నవారి పరిస్థితిపై పూర్తి సమాచారం అందాల్సి ఉంది. ఘటనపై అధికారులు విచారణ చేపట్టాల్సి ఉంది. వంతెన నిర్మాణ నాణ్యత, నిర్వహణపై కూడా ప్రశ్నలు తలెత్తుతున్నాయి.







కామెంట్లు (0)