Video - కళాశాల విద్యార్థులపై కేరళ పోలీసుల దాడికి నిరసనగా .. తిరువనంతపురంలో ప్రదర్శన

తిరువనంతపురం (కేరళ) : పాలయంలోని యూనివర్సిటీ కళాశాల విద్యార్థులపై యూత్ కాంగ్రెస్-కేఎస్‌యూ, కేరళ పోలీసులు జరిపిన దాడికి నిరసనగా ... సిపిఐ(ఎం) తిరువనంతపురం జిల్లా కమిటీ ప్రదర్శన నిర్వహించింది. ఈ ప్రదర్శనకు సిపిఐ(ఎం) కేంద్ర కమిటీ సభ్యులు కె.కె. శైలజ, సి.ఎస్. సుజాత, జిల్లా కార్యదర్శి వి. జాయ్, ఇతర సీనియర్ నాయకులు నాయకత్వం వహించారు. కళాశాల ప్రాంగణంలోని పురుషుల హాస్టల్‌లో రాష్ట్ర పోలీసులు జరిపిన క్రూరమైన దాడిని, అక్కడ ఉన్న ఎస్ఎఫ్ఐ కార్యకర్తలను లక్ష్యంగా చేసుకోవడాన్ని వారు ఖండించారు. ప్రజల ప్రతిఘటన పోలీసుల క్రూరత్వాన్ని జయిస్తుందని వారు ప్రతిజ్ఞ చేశారు.