2025 సెప్టెంబర్ 8: రాహుల్ గాంధీ ఓటర్ల జాబితాపై చేసిన ఆరోపణలకు జ్ఞానేశ్ కుమార్ అఫిడవిట్ ఇవ్వాలని, లేదంటే క్షమాపణ చెప్పాలని కోరడం సరైన విధానం కాదు. రాహుల్ గాంధీ ప్రతిపక్ష నేత. ఆయన చేసిన ఆరోపణలను ఎన్నికల సంఘం తీవ్రంగా తీసుకుని స్వయంగా విచారణ చేయాలి. ఆరోపణ చేసిన వ్యక్తిని సవాలు చేయడం కంటే ఆరోపణల్లో వాస్తవం ఉందో లేదో పరిశీలించాలి. ఎన్నికల సంఘం కోపంగా స్పందించడం సంస్థకు మేలు చేయదు.
2026 సెప్టెంబర్ 23: ఎస్ఐఆర్పై ఇద్దరు కమిషనర్లు అభ్యంతరాలు వ్యక్తం చేశారంటే అది తీవ్రమైన విషయం. ఎన్నికల సంఘం ముగ్గురు సభ్యుల రాజ్యాంగ సంస్థ. అందరికీ సమాన హక్కులున్నాయి. నిర్ణయాలు ఏకగ్రీవంగా లేదా మెజారిటీతో జరగాలి. ఇద్దరు ఒక అభిప్రాయంలో ఉంటే వారి అభిప్రాయమే మెజారిటీ అవుతుంది. ఫారం–6ను మార్చాలంటే సంబంధిత నిబంధనలను మార్చాలి. చట్టబద్ధ ప్రక్రియ లేకుండా మార్పు చేయడం సరికాదు. ఎస్ఐఆర్ నిర్ణయం ఇద్దరు కమిషనర్లకు తెలియకుండా జరిగితే అసలు నిర్ణయం ఎవరు తీసుకున్నారు? మొత్తం రికార్డును ప్రజల ముందుంచాలి.
2025 సెప్టెంబర్ 8: ఒక సామాన్య ఓటరు సందేహం వ్యక్తం చేసినా గతంలో ఎన్నికల సంఘం దాన్ని పరిశీలించేది. ఇప్పుడు కూడా ఆరోపణలను ఎన్నికల సంఘమే స్వయంగా పరిశీలించి వాస్తవాలను ప్రజలకు వెల్లడించాలి. సందేహం మిగిలిపోకుండా చేయడం ఎన్నికల సంఘం బాధ్యత.
2026 సెప్టెంబర్ 23: ఫారం–6లో చేసిన మార్పు పూర్తిగా తప్పు, చట్టవిరుద్ధం. అది చట్టబద్ధమైన ఫారం కాబట్టి చట్టపరమైన ప్రక్రియ లేకుండా మార్చకూడదు. ఎన్నికల నమోదు అధికారికి చట్టం ఇచ్చిన అధికారాన్ని సాఫ్ట్వేర్ పరిమితం చేయకూడదు. సాఫ్ట్వేర్ చట్టం కంటే పై స్థాయిలో ఉండదు. ఎస్ఐఆర్ ఓటర్లలో భయాన్ని సృష్టించే ఫ్రాంకెన్స్టెయిన్లా మారింది. అయితే అభ్యంతరాలు వ్యక్తం చేసిన ప్రస్తుత కమిషనర్లు కూడా ఇంత తీవ్రమైన అభ్యంతరాలు ఉంటే పది నెలలు ఎందుకు మౌనంగా ఉన్నారో చెప్పాలి.
2025 ఆగస్టు 23: ఎన్నికల సంఘం రాజకీయ పార్టీలతో వాదించే సంస్థలా కనిపించకూడదు. అది తటస్థ రిఫరీగా ఉండాలి. ఆరోపణలు వస్తే వాటిని పరిశీలించి వాస్తవాలతో సమాధానం చెప్పాలి. రాజకీయ పార్టీలు, పౌరులు ఎన్నికల సంఘానికి భాగస్వాములు; ప్రత్యర్థులు కాదు.
2026 సెప్టెంబర్ 23: ఫారం–6 విషయంలో ముగ్గురు కమిషనర్లు అంగీకరించినా సరే అది చట్టబద్ధం కాదు. అలాగే ఎన్నికల నమోదు అధికారికి ఉన్న చట్టబద్ధ అధికారాన్ని కేంద్ర సాఫ్ట్వేర్ పరిమితం చేయకూడదు. సాంకేతిక వ్యవస్థ చట్టానికి సహాయకారిగా ఉండాలి; చట్టాన్ని అధిగమించేదిగా కాదు.
కామెంట్లు (0)