వింబుల్డన్ క్వార్టర్స్లోకి జపాన్ స్టార్
వింబుల్డన్ 2026లో సంచలనం నమోదైంది. మాజీ ప్రపంచ నంబర్వన్ నయోమి ఒసాకా 6-2, 7-6(2)తో ప్రపంచ నంబర్వన్ అరినా సబలెంకాను ఓడించి కెరీర్లో తొలిసారి వింబుల్డన్ క్వార్టర్ఫైనల్కు చేరింది. గంటా 28 నిమిషాల పాటు సాగిన మ్యాచ్లో తొలి సెట్ను సునాయాసంగా గెలిచిన ఒసాకా, రెండో సెట్లో సబలెంకా పైచేయి సాధించింది. ఒసాకా టైబ్రేక్లో విజయం సాధించి మ్యాచ్ను కైవసం చేసుకుంది. కాగా, సబలెంకాపై ఎనిమిదేళ్ల సుదీర్ఘ విరామం తర్వాత ఒసాకాకు ఇదే తొలి విజయం కావడం విశేషం. చివరిసారిగా 2018 యూఎస్ ఓపెన్లో ఆమెపై ఒసాకా గెలిచింది. 2018 యూఎస్ ఓపెన్ తర్వాత సబలెంకాపై ఒసాకాకు ఇదే తొలి విజయం. ఈ ఓటమితో సబలెంకా వరుసగా 14 గ్రాండ్స్లామ్లలో క్వార్టర్ఫైనల్ చేరిన రికార్డు ముగిసింది. నాలుగుసార్లు గ్రాండ్స్లామ్ ఛాంపియన్ అయిన ఒసాకా ఈ విజయంతో తన పునరాగమనాన్ని మరోసారి చాటుకుంది.
కామెంట్లు (0)