ఉరిమిన పర్వీన్.. నెగ్గిన స్వర్ణం

- 65 కేజీల బాక్సింగ్ విభాగంలో భారత్‌కు స్వర్ణం

ఐచి-నగోయా: ఆసియా క్రీడల్లో పర్వీన్ హూడా భారత్‌కు 13వ స్వర్ణాన్ని అందించింది. మహిళల 65 కేజీల బాక్సింగ్ విభాగంలో చైనీస్ తైపీకి చెందిన చెన్ నీన్-చిన్‌ను 3-2 తేడాతో ఓడించి పర్వీన్ స్వర్ణాన్ని కైవసం చేసుకుంది. ఐదుగురు న్యాయనిర్ణేతలలో ముగ్గురి తీర్పులతో ఈ భారత క్రీడాకారిణి విజయం సాధించింది. ఉత్కంఠభరితమైన ఫైనల్‌లో చివరి నిమిషం వరకు సుదీర్ఘంగా సాగిన పోరాటం తర్వాత పర్వీన్ గెలుపొందింది. ఫైనల్‌కు చేరే క్రమంలో కూడా పర్వీన్ అద్భుతంగా రాణించింది. సెమీ-ఫైనల్స్‌లో చైనాకు చెందిన లీ షును 5-0 తేడాతో ఓడించి ఫైనల్‌కు దూసుకెళ్లింది. హర్యానాలోని రోహ్‌తక్ జిల్లాలో మహిళా బాక్సర్లను ప్రోత్సహించిన ప్రాంతాలలో రూర్‌కీ ఒకటి. పర్వీన్ కూడా తన గ్రామంలోని స్థానిక శిక్షణా కేంద్రం నుంచే ఎదిగింది.