మనసు గోడలపై మొలిచిన నిశ్శబ్ద లత
కాలం కుట్టిన గాయాలపై
కనిపించని కుట్లు
నవ్వు వెనుక దాచిన నీటి సంతకం
ఎవరైనా శ్రద్ధగా గ్రహించాలి..
ఆలోచనల అరణ్యంలో
దారి తప్పిన గాలి అడుగును
ఎవరైనా ఆత్మీయులు పసి గట్టాలి..
నిద్ర కంటిపై వెలగని దీపపు వత్తిని
ఎవరైనా ప్రేమాన్విత సరి చేయాలి...
గుండె గదిలో ప్రతిధ్వనించే ప్రశ్నల పక్షుల
అలజడిని ఎవరైనా హరిత ప్రేమి వినాలి...
ఆశల విత్తనాలపై
అనుమానాల మంచు తెరనే వ్యాకులత...
ఓటమి కాదు
అర్థం కోసం ఆత్మ చేసే అన్వేషణ....
చీకటే ఎక్కువైనప్పుడు
వెలుగు తన చిరునామా వెతికే వేళ
కన్నీటి బిందువులో
భవిష్యత్తు మొగ్గ దాగి ఉంటుంది తెలుసా...
తేటపడిన మనసు
వ్యాకులతను జ్ఞాపకంగా మలుస్తుంది చూడు
చివరికి...
వ్యాకులతే
మనిషిని మనిషిగా చెక్కే
డా.కటుకోఝ్వల రమేష్,
సెల్:9949083327








కామెంట్లు (0)