తడారిన గొంతులకు
నీళ్ళ సీసాలు తెచ్చిన మానవత్వపు
చేతులకు
ధన్యవాదాలు
ఆకలిగొన్న పేగుల అరుపులకు
జుమాటో డెలివరీ చేసిన
అదృశ్యపు చేతి వేళ్ళకు
ధన్యవాదాలు
రుతుస్రావపు రక్తపు మరకల్ని
దాచుకునేందుకు విష్పర్లు పంపిన
మాతృ హృదయాలకు
ధన్యవాదాలు
అలసిన ఉద్యమ దేహాలకు
చల్లని విసనికర్రల గాలులైన
గెడ్డం టోపీలకు
ధన్యవాదాలు
పగిలిన తలలకు.. నలిగిన ఎదలకు
ప్రేమ కట్టుతో గాయాలను ముద్దాడిన
పెదవులకు...
ధన్యవాదాలు
ఉద్యమ గొంతులో స్వరం కలిపిన
కీచురాళ్ళకు
చేతులతో ఉక్కు గొలుసులుగా
అల్లుకున్న అల్ప జీవులకు
ధన్యవాదాలు.. ధన్యవాదాలు..
దేశమంటే కులం..మతం..కాదని
అంతా ఒక్కచేతులతో
చప్పట్లైనందుకు...
నేలపూరి రత్నాజీ
8919998753
కామెంట్లు (0)