విజయనగరంలో బుధవారం పాఠశాలలకు సెలవు

జిల్లా విద్యా శాఖ అధికారి యు.మాణిక్యం నాయుడు

ప్రజాశక్తి - విజయనగరం టౌన్ : బుధవారం విజయనగరం జిల్లా వ్యాప్తంగా పాఠశాలలకు సెలవు ప్రకటిస్తున్నట్లు జిల్లా విద్యా శాఖ అధికారి యు.మాణిక్యం నాయుడు మంగళవారం ఒక ప్రకటనలో తెలిపారు. నిరంతరాయంగా వర్షం కురుస్తుండడం, అలాగే బుధవారం కూడా వర్షాలు కొనసాగే అవకాశం ఉన్నందున, సెలవు ప్రకటించామని అన్నారు. పిల్లల భద్రతా చర్యల్లో భాగంగా జిల్లా కలెక్టర్ ఆదేశాల మేరకు ఈ నిర్ణయం తీసుకున్నామన్నారు.