పాత విధానంలోనే ‘ఉర్దూ’ స్కూల్‌ ‌కాంప్లెక్స్‌‌లు నిర్వహణ

- ఉర్దూ టీచర్స్‌ అసోసియేషన్‌

ప్రజాశక్తి-అమరావతి బ్యూరో : పాఠశాల విద్యాశాఖ నిర్వహిస్తున్న స్కూల్ కాంప్లెక్స్‌‌లను ఉర్దూ మీడియం ఉపాధ్యాయులకు ఎస్జిటిలకు మండల స్థాయి, స్కూల్ అసిస్టెంట్లకు డివిజనల్ స్థాయిలలో నిర్వహించాలని రాష్ట్ర ఉర్దూ టీచర్స్‌ అసోసియేషన్‌ ‌కోరింది. ఈ మేరకు ఆ సంఘం అధ్యక్ష ప్రధాన కార్యదర్శులు సయ్యద్ ఇక్బాల్ , సయ్యద్ ముస్తాక్ శుక్రవారం ఒక ప్రకటన విడుదల చేశారు. తెలుగు మీడియం, ఇంగ్లీష్ మీడియంలలో ఉర్దూ మీడియం ఉపాధ్యాయులకు కలిపి నిర్వహిస్తున్న స్కూల్ కాంప్లెక్స్ లతో ఎలాంటి ప్రయోజనం లేదని, ఉర్దూ ఉపాధ్యాయులు సరైన రీతిలో అవగాహన పొందులేకపోతున్నారని తెలిపారు. ​ గతంలో నిర్వహించినట్లుగా రెండు నుండి నాలుగు మండలాలు కలిపి ఉర్దూ స్కూల్ కాంప్లెక్ సమావేశాలను నిర్వహిస్తే ప్రయోజనకరంగా ఉంటుందని పేర్కొన్నారు.