ఎయిర్ ఇండియా విమానంను బాంబు బెదిరింపు

- ఫ్రాంక్‌ఫర్ట్-ఢిల్లీ ఎయిర్ ఇండియా విమానం జైపూర్‌కు మళ్లింపు

జైపూర్ : ఫ్రాంక్‌ఫర్ట్ నుండి ఢిల్లీకి వెళ్తున్న ఎయిర్ ఇండియా విమానంనకు బాంబు బెదిరింపు కారణంగా బుధవారం ఉదయం జైపూర్‌కు మళ్లించినట్లు విశ్వసనీయ వర్గాల సమాచారం. దీంతో బోయింగ్ 787-9 విమానంతో నడిచే AI2030 ఫ్లైట్, జైపూర్ అంతర్జాతీయ విమానాశ్రయంలో అత్యవసరంగా ల్యాండ్ అయిందని, భద్రతా తనిఖీల కోసం ఐసోలేషన్ బేకు తరలించబడినట్లు తెలుస్తోంది. మాల్వీయ నగర్ అసిస్టెంట్ కమిషనర్ ఆఫ్ పోలీస్ శివ్ దయాల్ పీటీఐతో మాట్లాడుతూ, బాంబు బెదిరింపు కారణంగా ఫ్రాంక్‌ఫర్ట్-ఢిల్లీ విమానం అత్యవసరంగా ల్యాండ్ అయిన విషయంపై విమానాశ్రయ అధికారులు పోలీసులకు సమాచారం అందించారని చెప్పారు. మరిన్ని వివరాలు తెలియాల్సి ఉందని ఆయన అన్నారు. ఐసోలేషన్ బేలో భద్రతా సిబ్బంది విమానాన్ని తనిఖీ చేస్తున్నారని పోలీసు వర్గాలు తెలిపాయి. ప్రాథమిక సమాచారం ప్రకారం, విమానం ముంబై ఫ్లైట్ ఇన్ఫర్మేషన్ రీజియన్ (ఎఫ్ఐఆర్)లో ఉన్నప్పుడు, పైలట్ చట్టవిరుద్ధమైన జోక్యాన్ని సూచించే 'స్క్వాక్ కోడ్ 7500'ను నొక్కారని ఒక వర్గం తెలిపింది. అనంతరం విమానాన్ని జైపూర్‌కు మళ్లించినట్లు ఆ వర్గాలు తెలిపాయి. విమానంలో ఎంతమంది ప్రయాణికులు ఉన్నారనే వివరాలు తెలియరాలేదు. దీనిపై ఎయిర్ ఇండియా నుంచి అధికారిక ప్రకటన వెలువడాల్సి ఉంది.