వెల్లింగ్టన్: భారత్తో స్వేచ్ఛా వాణిజ్య ఒప్పందం (ఎఫ్.టి.ఏ) అమలుకు న్యూజిలాండ్ పార్లమెంట్ ఆమోదం తెలిపింది. ఈ బిల్లుకు అనుకూలంగా 93 ఓట్లు, వ్యతిరేకంగా 29 ఓట్లు వచ్చాయి. ప్రతిపక్ష లేబర్ పార్టీ కూడా బిల్లుకు మద్దతు ఇచ్చింది. ఒప్పందం అమల్లోకి వచ్చిన మొదటి రోజే భారత్కు న్యూజిలాండ్ చేసే ఎగుమతుల్లో 57 శాతం సుంకరహితంగా మారనున్నాయి. పూర్తిస్థాయిలో అమలైన తర్వాత న్యూజిలాండ్ ఎగుమతుల్లో సుమారు 95 శాతం వస్తువులపై సుంకాలు పూర్తిగా తొలగించడం లేదా గణనీయంగా తగ్గించడం జరుగుతుంది. న్యూజిలాండ్ వాణిజ్య మంత్రి టాడ్ మెక్క్లే మాట్లాడుతూ, ఈ ఒప్పందం తమ ఎగుమతిదారులకు కొత్త అవకాశాలను కల్పిస్తుందని తెలిపారు. ముఖ్యంగా కివీఫ్రూట్ పరిశ్రమ ఐదేళ్లలో సుమారు ₹688.5 కోట్లు (సుమారు NZ$125 మిలియన్ల) సుంకాలను ఆదా చేసుకోవచ్చని అంచనా వేశారు.
ఇక న్యూజిలాండ్ నుంచి భారత్కు కివీఫ్రూట్, ఆహార ఉత్పత్తులు, ఫైబర్, టెక్నాలజీ, విద్య, పర్యాటకం, వృత్తిపరమైన సేవల ఎగుమతులకు ప్రయోజనం కలగనుంది. మరోవైపు, భారత్ నుంచి న్యూజిలాండ్కు వచ్చే అన్ని వస్తువులకు సుంకరహిత ప్రవేశం కల్పించనున్నారు.
రాబోయే 15 ఏళ్లలో భారత్లో సుమారు ₹1.68 లక్షల కోట్ల (20 బిలియన్ డాలర్ల) పెట్టుబడులు పెట్టేందుకు న్యూజిలాండ్ అంగీకరించినట్లు సమాచారం. ఇరు దేశాలు 2030 నాటికి ద్వైపాక్షిక వాణిజ్యాన్ని రెట్టింపు చేయాలని లక్ష్యంగా పెట్టుకున్నాయి. జూన్ 2026తో ముగిసిన ఏడాదిలో భారత్-న్యూజిలాండ్ మధ్య మొత్తం వాణిజ్యం ₹2,198 కోట్లు (NZ$3.99 బిలియన్లు)గా నమోదైంది. ఇరు దేశాల ఆమోద ప్రక్రియలు పూర్తయిన తర్వాత ఎఫ్.టి.ఏ అధికారికంగా అమల్లోకి రానుంది.
కామెంట్లు (0)