మాదకద్రవ్యాలపై అవగాహన సదస్సు

ప్రజాశక్తి - రాజుపాలెం : మాదక ద్రవ్యాలతో అన్ని అనర్ధాలే జరుగుతాయని ప్రాథమిక ఆరోగ్య కేంద్రం వైద్యాధికారి డాక్టర్ రాంబాబు నాయక్ అన్నారు. గురువారం ఆకుల గణపవరం హైస్కూల్ విద్యార్థులకు మాదక ద్రవ్య వ్యతిరేక అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ యువతకు, మాదక ద్రవ్యాలవల్ల కలిగే ప్రమాదాలు , దాని పర్యవసానాల గురించి అవగాహన కల్పించారు. మాదక ద్రవ్యాల వల్ల శారీరక, మానసిక , సామాజిక దుష్ప్రభావాల గురించి వివరించారు. ఆరోగ్యకరమైన, మాదక ద్రవ్య రహిత భవిష్యత్తును ఎంపిక చేసుకోవాలని సూచించారు. మాదక ద్రవ్యాల నిషేధానికి అందరూ సహాకారించాలని విజ్ఞప్తి చేశారు. ఈ కార్యక్రమంలో హై స్కూల్ హెడ్ మాస్టర్ రవీంద్రబాబు, ఆరోగ్య పర్యవేక్షకులు జీవనరావు, కమ్యూనిటీ హెల్త్ ఆఫీసర్ అలేఖ్య, ఉపాధ్యాయులు తోట శ్రీనివాసరావు, ఏ.ఎన్. ఎమ్. లు కమల, ప్రమీల బాయ్, ఆశా కార్యకర్తలు దీవిన, అనురాధ పాల్గొన్నారు.