వర్షాభావ పరిస్థితులను ఎదుర్కొవాలి - ఏడిఏ

ప్రజాశక్తి - జగ్గంపేట : వర్షబావ పరిస్థితులను ఎదుర్కొనే విధంగా రైతులను సమాయత్తం చేయాలని వ్యవసాయ శాఖ సహాయ సంచాలకులు జి. శ్రీనివాస్ సూచించారు. మంగళవారం స్థానిక వ్యవసాయ శాఖ కార్యాలయం వద్ద జగ్గంపేట డివిజన్ పరిధిలోని విఏఏ లతో సమావేశం నిర్వహించారు. ఈ సమావేశంలో ఆయన మాట్లాడుతూ వరిసాగుకు రైతులకు అవసరమయ్యే ఎరువులను అందుబాటులో ఉంచుకోవాలన్నారు. అలాగే ఈఏడాది వర్షాలు తక్కువగా ఉంటాయని, దీంతో వెదజల్లే పద్ధతిని ప్రోత్సహించవద్దని నాట్లు వేసుకునే విధంగా ప్రోత్సహించాలన్నారు. ఈ సమావేశంలో జగ్గంపేట, గండేపల్లి, ఏలేశ్వరం, ఏఓలు ఎస్. నరసింహం, జె .లక్ష్మీ, ఎ వి రాజేష్, పిఎటు ఎడిఎ జి బి కరుణాకరరాజు, తదితరులు పాల్గొన్నారు.