కస్తూరిబా గాంధీ బాలికల విద్యాలయానికి దాతల సహకారం

ప్రజాశక్తి - కోటనందూరు : అల్లిపూడి కస్తూరిబా గాంధీ బాలికల విద్యాలయానికి శనివారం 50,000 వేలు విలువైన ఇన్వర్టర్, 20,000 విలువగల కుర్చీలను దాతలు అందించారు. చిన్నగొలుగొండుపేట గ్రామానికి చెందిన అంకం రెడ్డి నూకరాజు కుమారుడు  వెంకట సత్య ఈశ్వర రావు, అంబికా దంపతులు మానవతా దృక్పథంతో ఈ సాయం అందించారు.   కరెంటు పోయినపుడు విద్యార్థులు పడుతున్న అవస్థలను చూసి, వారి చదువుకు ఆటంకం కలగకూడదని ఇన్వెర్టర్‌ వేయించామని అంబికా అన్నారు. ప్రభుత్వ హాస్టళ్లకు ప్రభుత్వ సౌకర్యాలకు తోడు మానవతావాదులు కూడా సహకరిస్తే విద్యార్థులు విద్యాపరంగా ముందుకు సాగుతారని అన్నారు. ఈ కార్యక్రమంలో కేజీబీవీ ప్రిన్సిపాల్ జి .రాజేశ్వరి,  జిల్లా అడిషనల్ ప్రాజెక్ట్ కోఆర్డినేటర్ సత్యనారాయణ మూర్తి ,జి సి డి వో కె.వెంకటలక్ష్మ, మండల విద్యాశాఖ అధికారులు ఏ. శ్రీనివాస్ రావు,ఎం .రామశేకర్ దాతల కృతజ్ఞతలు తెలిపారు.