ఫుడ్ బాస్కెట్ రబి పంటలపై అవగాహన

​ప్రజాశక్తి - పెరవలి

మండలంలోని తీపర్రులో ఫుడ్ బాస్కెట్ రబీ పంటలపై అవగాహన కార్యక్రమాన్ని బుధవారం నిర్వహించారు. ఎపి కమ్యూనిటీ రైతు సాధికార సంస్థ - ఆరోగ్యం పోషణ విభాగ ఆధ్వర్యంలో జరిగిన ఈ కార్యక్రమంలో సంస్థ ప్రతినిధులు టి.లక్ష్మీ, బి.శ్రావణి, మనోరంజని, శ్రీదేవి రైతులకు పప్పు దినుసులు, నూనె గింజలు, చిరుధాన్యాల సాగుపై అవగాహన కల్పించారు. ప్రకృతి వ్యవసాయ పద్ధతిలో పండిస్తే రైతుకు గిట్టుబాటు ధర వస్తుందని తెలిపారు. ఈ కార్యక్రమంలో రైతులు కంటిపూడి సూర్యనారాయణ, ప్రత్తిపాటి ప్రసాద్, సింహాద్రి సత్యనారాయణ, నందమూరి నారాయణ రావు, తదితరులు పాల్గొన్నారు.