సముద్ర తీరానికి కొట్టుకొచ్చిన తమిళ వ్యక్తి మృతదేహం

శింగరాయకొండ (ప్రకాశం) : ఊళ్ళపాలెం సముద్ర తీరానికి వ్యక్తి మృతదేహం కొట్టుకొచ్చిన ఘటన శుక్రవారం జరిగింది. తమిళనాడు రాష్ట్రానికి చెందిన బోటు బోల్తా పడి 9 మంది గల్లంతైన సంగతి విదితమే. ఆ ఘటనకు సంబంధించిన వారిలో ఒక వ్యక్తి మృతదేహం ఈరోజు శింగరాయకొండ మండలం ఊళ్ళ పాలెం సముద్రం తీరానికి కొట్టుకొచ్చింది. ఎస్సై లేళ్ళ సుధీర్ కుమార్ ఘటనా స్థలానికి చేరుకొని వివరాలు సేకరిస్తున్నారు.