అభివృద్ధి పథంలో మున్సిపాలిటీ

ప్రజాశక్తి- పలాస

పలాస-కాశీబుగ్గ మున్సిపాలిటీ అభివృద్ధి పథంలో ముందుకు సాగుతుందని, పార్టీలకతీతంగా వార్డులో అభివృద్ధి చెందుతున్నాయని ఎపి ట్రేడ్ ప్రమోషన్ కార్పొరేషన్ చైర్మన్ వజ్జ బాబూరావు అన్నారు. పలాస శివాజీ నగర్‌లో రూ.9.50 లక్షలతో బుధవారం సిసి రోడ్డుకు శంకుస్థాపన చేశారు. ఈ సందర్భంగా ఆయన మాట్లాడుతూ పార్టీలకతీతంగా వార్డులను అభివృద్ధి చేస్తున్నామన్నారు. రూ.122 కోట్లతో ఇంటింటికీ కొళాయి ద్వారా తాగునీరు సరఫరా చేసేందుకు శరవేగంగా పనులు చేపడుతున్నామని తెలిపారు. కార్యక్రమంలో కూటమి నాయకులు, మహిళలు తదితరులు పాల్గొన్నారు.