భరతవానిపాలెంలో పశుగ్రాస వారోత్సవాలు

ప్రజాశక్తి-వేపాడ: విజయనగరం జిల్లా వేపాడ మండలం భరతవానిపాలెం గ్రామంలో పశుగ్రాస వారోత్సవాలు నిర్వహించారు. ఈ కార్యక్రమంలో మండల పశువైద్యాధికారిణి గాయత్రి రైతులకు పలు సూచనలు చేశారు. ఏడాది పొడవునా పశువులకు నాణ్యమైన పశుగ్రాసం అందించాలన్నారు. రైతులు మేత పంటలపై ప్రత్యేక శ్రద్ధ పెట్టాలని సూచించారు. వర్షాకాలాన్ని సద్వినియోగం చేసుకుని పచ్చిమేత పంటలు వేసుకోవాలని తెలిపారు. దీనివల్ల పాడి పశువుల నుండి అధిక పాల దిగుబడి వస్తుందని వివరించారు. రైతులకు నేపియర్, జొన్న, మొక్కజొన్న, గినియా గడ్డి సాగుపై అవగాహన కల్పించారు. ఈ సందర్భంగా పశువులకు ఉచితంగా వైద్య పరీక్షలు నిర్వహించారు. రైతులకు అవసరమైన మందులను ఉచితంగా పంపిణీ చేశారు. ఈ కార్యక్రమంలో పశువైద్య సిబ్బంది, పాడి రైతులు పాల్గొన్నారు.