‘కాకా’ నుంచి అనస్వర ఫస్ట్ లుక్

‘కాకా’ చిత్రంలో చిరంజీవి కూతురు అమ్ములుగా మలయాళ నటి అనస్వర రాజన్‌ నటిస్తున్నారు. ఎంబీబీఎస్‌ చదువుతున్న మెడికల్‌ విద్యార్థినిగా కనిపించే అమ్ములు పాత్రను అనస్వర పుట్టినరోజు సందర్భంగా చిత్రయూనిట్‌ ఫస్ట్‌ లుక్‌ ద్వారా పరిచయం చేసింది. సెప్టెంబర్‌ 8న విడుదల చేసిన ఈ పోస్టర్‌లో అనస్వరను మెడికల్‌ విద్యార్థిని గెటప్‌లో చూపించారు. చిరంజీవి, దర్శకుడు బాబీ కాంబినేషన్‌లో తెరకెక్కుతున్న ఈ భారీ చిత్రాన్ని కెవిఎన్‌ ప్రొడక్షన్స్‌ నిర్మిస్తోంది. 2027 సంక్రాంతి కానుకగా జనవరి 13న ప్రపంచవ్యాప్తంగా విడుదల చేసేందుకు మేకర్స్‌ సన్నాహాలు చేస్తున్నారు. అమ్ములు ఫస్ట్‌ లుక్‌ ప్రస్తుతం సోషల్‌ మీడియాలో వైరల్‌గా మారింది.