'లెనిన్' సెన్సార్ పూర్తి.. రేపే విడుదల

అక్కినేని అఖిల్ కథానాయకుడిగా మురళీ కిశోర్ అబ్బూరు దర్శకత్వంలో తెరకెక్కిన తాజా చిత్రం 'లెనిన్' సెన్సార్ కార్యక్రమాలను పూర్తి చేసుకుని యూ/ఏ (U/A) సర్టిఫికెట్‌ను పొందింది. భాగ్యశ్రీ బోర్సే కథానాయికగా నటించిన ఈ చిత్రంలో బ్రహ్మానందం, శివాజీ, సునీల్, గెటప్ శ్రీను కీలక పాత్రలు పోషించగా, థమన్ సంగీతం అందించారు. సితార ఎంటర్‌టైన్‌మెంట్స్, అన్నపూర్ణ స్టూడియోస్ బ్యానర్లపై సూర్యదేవర నాగవంశీ, అక్కినేని నాగార్జున సంయుక్తంగా భారీ బడ్జెట్‌తో నిర్మించిన ఈ చిత్రం రేపు (జులై 10) ప్రపంచవ్యాప్తంగా థియేటర్లలో విడుదల కానుంది. భారీ యాక్షన్, ఉత్కంఠభరిత సన్నివేశాలతో కూడిన ఈ సినిమా టీజర్, ట్రైలర్‌లకు ఇప్పటికే మంచి స్పందన రావడంతో ప్రేక్షకులు, అభిమానుల్లో భారీ అంచనాలు నెలకొన్నాయి.