‘రణబాలి’ డాక్యుమెంటరీ ఫస్ట్‌ పార్ట్‌

దర్శకుడు రాహుల్ సాంకృత్యాయన్ దర్శకత్వంలో విజయ్ దేవరకొండ కథానాయకుడిగా నటిస్తోన్న చిత్రం 'రణబాలి`. ఇందులో హీరోయిన్ గా రష్మిక మందన్న నటిస్తున్నారు. ఈ చిత్రం దసరా కానుకగా అక్టోబర్ 16న ప్రేక్షకుల ముందుకు రానుంది. ఈ నేపథ్యంలో చిత్రయూనిట్ వినూత్నంగా ప్రమోషన్స్ ప్రారంభించింది. ఈ చిత్రానికి సంబంధించి నాలుగు డాక్యుమెంటరీ సిరీస్ ను విడుదల చేస్తున్నట్లు ప్రకటించింది. సోమవారం దీనికి సంబంధించిన తొలి ఎపిసోడ్ ను ట్రూత్ :1 ‘ది ఫెమిన్‌ వుయ్‌ ఫర్గాట్‌’ పేరుతో వీడియోను చిత్రబృందం రిలీజ్ చేసింది. ఈ వీడియోలో దర్శకుడు, రష్మిక, విజయ్ దేవరకొండ భారతదేశాన్ని బ్రిటీష్ వాళ్లు పరిపాలిస్తున్న కాలంలో1876-78 ఈ రెండు సంవత్సరాల్లో తీవ్ర కరువు తాండవించిందని.. ఆ సమయంలో భారతీయులు తినడానికి తిండి లేక అల్లాడిపోయినా బ్రిటిష్ వాళ్లు తిండి గింజలు ఇవ్వక వారిని దారుణంగా హింసించారని చారిత్రికంగా తెలుసుకున్నామని వారు వివరించారు.