రజనీకాంత్‌ ‘ధర్మన్‌’లో శ్రీలీల

రజనీకాంత్‌ కథానాయకుడిగా నటిస్తున్న ‘ధర్మన్‌’ చిత్రంలో నటి శ్రీలీల కూడా భాగమయ్యారు. ఈ విషయాన్ని చిత్రబృందం తాజాగా ప్రత్యేక వీడియో ద్వారా వెల్లడించింది. అశ్వత్‌ మారిముత్తు దర్శకత్వంలో రూపొందుతున్న ఈ చిత్రంలో రజనీకాంత్‌ వైద్యుడి పాత్రలో కనిపించనున్నారు. రామ్‌ పోతినేని, రాశీఖన్నా, నయనతార తదితరులు కీలక పాత్రలు పోషిస్తున్నారు. అనిరుధ్‌ సంగీతం అందిస్తున్నారు. కమల్‌హాసన్‌కు చెందిన రాజ్‌కమల్‌ ఫిల్మ్స్‌ ఇంటర్నేషనల్‌, టర్మరిక్‌ మీడియా సంస్థలు సంయుక్తంగా నిర్మిస్తున్నాయి.