తండ్రితో ‘బరి’లో దిగనున్న వరుణ్‌తేజ్‌

హీరో వరుణ్‌తేజ్‌ తన తండ్రి నాగబాబుతో కలిసి ‘బరి’లో నటించనున్నారు. యదు వంశీ దర్శకత్వంలో తెరకెక్కుతున్న ఈ చిత్రంలో నాగబాబు కీలక పాత్ర పోషిస్తున్నట్లు వరుణ్‌తేజ్‌ వెల్లడించారు. శుక్రవారం (ఆగస్టు 7) విడుదల కానున్న తన ‘కొరియన్‌ కనకరాజు’ సినిమా ప్రచార కార్యక్రమాల్లో పాల్గొన్న సందర్భంగా ఆయన ఈ విషయాన్ని చెప్పారు. ‘బరి’ చిత్రాన్ని సంక్రాంతి కానుకగా విడుదల చేయనున్నట్లు కూడా ప్రకటించారు. తండ్రీకొడుకులు తొలిసారిగా ఒకే సినిమాలో కలిసి నటిస్తుండటంతో పాటు, పింక్‌ ఎలిఫెంట్‌ పిక్చర్స్‌ బ్యానర్‌పై నిహారిక నిర్మిస్తున్నారు. విడుదల చేసిన ప్రచార వీడియోను బట్టి ఇది గ్రామీణ క్రీడల నేపథ్యంలో సాగే స్పోర్ట్స్‌ డ్రామాగా తెరకెక్కుతున్నట్లు తెలుస్తోంది.