‘అ’ టైటిల్ పెట్టడానికి కారణమిదే...

రాహుల్‌ విజయ్‌ ప్రధాన పాత్రలో నటించిన సస్పెన్స్‌ ఇన్వెస్టిగేషన్‌ థ్రిల్లర్‌ ‘అ’ విడుదల వాయిదా పడింది. నిర్మాణానంతర పనులు పూర్తికాకపోవడంతో ఈ చిత్రాన్ని నవంబర్‌ 12న విడుదల చేయనున్నట్లు మేకర్స్‌ ప్రకటించారు. ఇందులో రాహుల్‌ నిజాయతీగల పోలీసు అధికారిగా కనిపించనున్నారు. సాయి బాలి దర్శకత్వం వహించిన ఈ చిత్రాన్ని స్టార్‌ బాక్స్‌ స్టోరీస్‌, రిపుల్‌ స్లైడ్‌ స్టూడియోస్‌ పతాకాలపై కనకరావు తొనంగి, అభిషేక్‌ కె., ఎడిటర్‌ గ్యారీ బీహెచ్‌ సంయుక్తంగా నిర్మించారు. ఈ సందర్భంగా దర్శకుడు మాట్లాడుతూ.. అమ్మాయి, అదృశ్యం, అన్వేషణ, అనుమానం, అసాంఘికం, అమానుషం వంటి పదాల చుట్టూ కథ సాగుతుందని, అందుకే ‘అ’ అనే టైటిల్‌ను ఖరారు చేశామని తెలిపారు. ఇన్వెస్టిగేషన్‌ డ్రామాలో రాహుల్‌ విజయ్‌ తెరపై శక్తిమంతంగా కనిపిస్తారని పేర్కొన్నారు.