రియాద్ : సౌదీ అరేబియాలోని నివాస, వాణిజ్య ప్రాంతాలు, ఇంధన సౌకర్యాలపై హౌతీలు దాడి చేశారు. దక్షిణ ప్రావిన్స్ లోని ఇంధన సౌకర్యాలు, ఇతర కీలక సంస్థలను లక్ష్యంగా చేసుకున్నట్లు సౌదీ ఇంధన మంత్రి మంగళవారం ధృవీకరించారు. ఈ దాడుల్లో 73 మంది గాయపడ్డారని సమాచారం.
ఇరాన్ మద్దతుగల హౌతీ తిరుగుబాటుదారులు ఈ దాడులకు బాధ్యత వహించారు. సౌదీ అరేబియా యొక్క ప్రముఖ చమురు సంస్థ ఆరామ్కో సౌకర్యాలతో పాటు విమానాశ్రయాలు, సైనిక స్థావరాలను లక్ష్యంగా చేసుకున్నట్లు హౌతీలు పేర్కొన్నారు.
అభా అంతర్జాతీయ విమానాశ్రయం, కింగ్ ఖలీద్ ఎయిర్ బేస్, అభా, జిజాన్లోని అరామ్కో సౌకర్యాలపై దాడులు జరిగినట్లు నివేదికలు వచ్చాయి. సౌదీ-యెమెన్ సరిహద్దుకు సమీపంలో ఉన్న జిజాన్ ఒక ప్రధాన పారిశ్రామిక ప్రాంతం. ఇది హౌతీ దాడులకు పదేపదే గురౌతోంది.
జిసాన్ లోని ఆరామ్కో రిఫైనరీ రోజుకు సుమారు 4 లక్షల బ్యారెళ్ల చమురును ఉత్పత్తి చేస్తుంది. చమురుతో పాటు, ఇది గ్యాసోలిన్, అల్ట్రా లో సల్ఫర్ డీజిల్ వంటి శుద్ధి చేసిన ఉత్పత్తులను కూడా ఉత్పత్తి చేస్తుంది.
ఇదిలా ఉండగా, ఇరాన్ వివాదం నేపథ్యంలో సౌదీ చమురు ఎగుమతులు, ఇంధన రంగంలో మౌలిక సదుపాయాలు తీవ్ర ఒత్తిడికి గురైన సమయంలో తాజా దాడి జరిగింది.
కామెంట్లు (0)